صفحة حجز أونلاين باسم عيادتك
المريض يحجز ميعاده بنفسه من موبايله في دقيقة، وحضرتك بتشوف كل الحجوزات في صفحة واحدة، وتفكّر المريض بالميعاد بضغطة. جاهزة في نفس اليوم ومن غير ما تغيّر رقمك.
أول شهر مجاناً، ومن غير أي مصاريف تجهيز
المريض يحجز لوحده
يختار المكان، وتأمينه أو نقابته، والكشف، واليوم والساعة. والمواعيد المحجوزة بتتقفل لوحدها.
- أكتر من مكان في اليوم، كل مكان بأسعاره ومواعيده
- سعر مختلف لكل تأمين ونقابة
- بالدقيقة (3:00، 3:15…) أو بالدور: «قبلك 3 حجوزات»
وكل الحجوزات عندك في صفحة واحدة
من أي موبايل، باللينك الخاص بيك. تشوف حجوزات النهارده وبكرة، وتعلّم مين جه ومين ما جاش.
- تذكير على الواتساب برسالة جاهزة بضغطة
- عدّل مواعيدك وأسعارك واقفل أيام الأجازة بنفسك
- رسالة كل صباح بحجوزات اليوم
ده اللي المريض بيشوفه
المريض بيدوّر على حضرتك، يشوف مواعيدك وأماكنك وسعر الكشف، ويحجز من موبايله. والحجز بيوصل لصفحة عيادتك في نفس اللحظة.
جاهز تبدأ؟
املا بيانات عيادتك في دقيقتين، وهتلاقي خطط الاشتراك جوه صفحة التسجيل. أول شهر مجاناً، وإحنا هنجهز الصفحة ونبعتلك اللينك على الواتساب في نفس اليوم. ولو مواعيدك كتير، ابعتها لنا صورة أو رسالة على الواتساب وإحنا نكتبها.
أسئلة بتتكرر
محتاج أغيّر رقم العيادة أو أنزل أبلكيشن؟
لأ. المريض بيفتح لينك من موبايله، وحضرتك بتفتح صفحة العيادة من أي موبايل.
الصفحة بتجهز في قد إيه؟
في نفس اليوم اللي بتبعت فيه البيانات.
أقدر أغيّر المواعيد أو الأسعار بعدين؟
أيوة، في أي وقت. من صفحة عيادتك افتح " مواعيدي وأسعاري وأجازاتي" وعدّل المواعيد والأسعار أو اقفل يوم أجازة، وده بيظهر للمرضى على طول. ولو تحب، ابعتلنا التعديل على الواتساب ونعمله لك من غير أي مصاريف.
لو المريض حجز وما جاش؟
جنب كل حجز في صفحة العيادة فيه زرار تذكير على الواتساب برسالة جاهزة، فالمريض بيفتكر ميعاده ولو مش جاي بيلغي ويرجع الميعاد متاح لغيره. وبعد الكشف بتعلّم "جه" أو "ما جاش"، فتعرف مين بيحجز ومبيجيش.
أقدر أجرّب قبل ما أدفع؟
أيوة، أول شهر مجاناً لأي خطة، ومن غير مصاريف تجهيز.
بيانات المرضى بتروح فين؟
بتظهر لحضرتك بس في صفحة العيادة باللينك الخاص بيك، ومش بنستخدمها في أي حاجة تانية ولا بنبيعها. التفاصيل في سياسة الخصوصية.
لو المريض عايز يلغي أو يغيّر ميعاده؟
بيعمل ده بنفسه من نفس اللينك اللي حجز منه، والميعاد بيرجع متاح لغيره.